Bratt Friluftsliv
Bratt Friluftsliv er eit selskap i Valle som satsar på å utvikle opplevingar i tilknytning til fjell og hei i Setesdal. Selskapet vart etablert i 2016 og presenterte seg i gründertimen på Setesdalskonferansen 2016. Dagleg leiar var i oppstarten Arne Bakke, og så tok Erik Arntsen over som dagleg leiar i 2019. Styremedlemmer er Erik Arntsen og Frode Kirkedam som styreleiar. I dag eig Frode Kirkedam og Erik Artnsen selskapet 50% kvar. Dei har laga ei av Sør-Norges finaste sva-klatre Via Ferrata.
Ved nyopninga av Prestefossen hengebru hadde selskapet rigga til zipline der ein kunne fly over fossen. Sommaren 2016 gjekk Bjarte Vestøl i gang med å lage ein Via Ferrata Nomelandsfjellet i Nomelandsfjellet. Ein 1000 meter lang stålwire blei montert i fjellet for å gje uerfarne folk sikring ved klatring i den blankskurte fjellveggen.
Kjelder
- Johs. Bjørkeli: -Dette er et klatremiljø i verdensklasse. Artikkel i Fædrelandsvennen onsdag 3. august 2016 side 7