Røysland hengebru

Røysland hengebru går over Otra mellom gardane Røysland og Lunden, nord i Valle.

Brua blei sett opp i 1912. Dreng Sveinsson (f. 1855) på Røysland bnr. 1 var heime frå Amerika ein tur, og gav pengar til bygging av brua. Ho var til stor hjelp; før ho kom måtte ein ro om ein ville over til andre sida av elva.

Brua var litt breiare den første tida. Då kunne ein kome over med hest og kanskje eit høylass. I dag er ho bare for gåande og syklistar.

Kjelder

• Alfred Ryningen, Valle kommune VI Gards- og ættesoge Valle, utgjeve av Valle kommune, 1987, side 458