Byremo vidaregåande skule
Foto: Geir Daasvatn
Byremo vidaregåande skule ligg på Byremo nord i Audnedal. Skulen tilbyr (2018) liner innanfor helsearbeid, mekanisk (TIP), bygg og anlegg og elektro. Skulen har også 1. år på studiespesialiserande line. Skulen har i tillegg søkt om å få utvide tilbodet med line for anleggsteknikk. Oppstart for vil i tilfelle godkjenning vere hausten 2019. Hausten 2018 var det 107 elevar ved skulen. Kapasiteten er minst 130 elevar. Rektor er Jan Telhaug.
I 2017-2018 fekk skulen nytt stort tilbygg, og heile den eksisterande bygningsmassen blei renovert. Utbygginga kosta over 30 millionar kroner.
Skulen er eigd av Vest-Agder fylkeskommune.
Kjelder
- Fleire artiklar om utbygging av skulen i Setesdølen nr. 80, 2018, side 6-9