Furustovheia
Furustovheia er eit fjell (567 moh.) om lag to kilometer nord-vest for Fennefossfjellet på vestsida av Otra i Evje og Hornnes kommune.
Furustovheia er ein av toppane i Otra IL skigruppa sitt turopplegg Ti toppers i 2015. Ein kan starte turen ved Hornnes barneskule, følge blåmerka løype til Masi, og gå vidare på merka sti til toppen. På tilbakevegen kan ein gjerne ta ein avstikkar til Fennefossfjellet. Turen kan også starte ved Fennefoss bygdemuseum. Herfrå kan ein følge løypa til Fennefossfjellet og vidare til Furustovheia.