Segberg
Segberg er ein gard (gnr. 25) i Åraksbø i Bygland. Garden ligg på ei flate i lia aust for sjølve Åraksbø-bygda. Kleivegrendsvegen går oppover i lia. Ved Heggtveit går ei grein mot sør, til Segberg og vidare inn til Rosevall. Husa i garden ligg 398 moh. Frå bygda opp til Segberg er det rundt 2 kilometer.
Garden grensar mot Rosevall i sør, mot Stoplestog i nord og vest, mens utmarka til Stoplestog og Nordgarden støytar til mot aust.
Historie
Garden kan vere ei nyrydding frå ut på 1600-talet, kanskje i utmarka til Nordgarden. Kristen Gunnarson Frøysnes (f. 1855, d. 1901) eigde Segberg frå 1892. Han var gift med Birgit Olavsdotter Segberg (f. Nedstoga 1863, d. 1949). Birgit var jenta som var trulova med Alexander Seippel, men som vart svikta av den store bibelomsetjaren på bryllaupsdagen.
Kjelder
- Reidar Vollen, Bygland gard og ætt, bind IV, utgjeve av Bygland kommune, 2006, side 611-641
- 🌱 Denne artikkelen er ei spire. Hjelp Setesdalswiki med å utvide artikkelen.