Honnevje rasteplass

Honnevje rasteplass Den tid var underskrivne kulturkonsulent i Valle kommune. Søkte SKAP-midlar og sette i gong arbeidet. Hadde flinke folk med, og vi brukte fantasien og tenkte praktisk for dei fleste brukargrupper. Vi hadde svært godt samarbeid med Vegstellet, og dei sette opp robust og moderne toalettanlegg for rasteplassar, skaffa rastebord osb. Det er varierte badeplassar, frå plaskedammar til djupare stader i elva. Men: vi laga ikkje til så folk kunne egne seg for nær farlege plassar. Vi laga bruer, rekkverk, stiar osb. Og: bålplass midt ute i elva, så det var sikkert for brann. Store steinbord og sitjesteinar vart funne til stor glede for dei som stakk innom. Der er flytebrygger, og dei er tilgjengelege for rullestolbrukarar. Honnevje rasteplass fekk ein pris frå Blomstrende Sørland. Denne rasteplassen er svært populær for vegfarande. Det er vel mykje overnattingar i bubil. Det er ikkje meininga. det er campingplassar både ovan- og nedanfor: Flateland Camping, sanden såre (Oveinang) og Valle Motell og Camp i Valle sentrum.