Vodden (Bygland gnr. 33 bnr. 2)
Vodden er eit gardsbruk (gnr. 33 bnr. 2) på Sandnes i Bygland. Husa ligg tett ved bygdevegen, om lag der vegen ned til Sandnes kapell tek til. Bruket er på om lag 1500 dekar. Av dette er 1000 dekar produktiv skog og 38 dekar var dyrka mark i 1956. Då hadde bruket hest, tre kyr og åtte sauer. Knut Aa. Sandnes var oppført som eigar i Norges bebyggelse som kom ut i 1956[1], men han døydde i 1955 utan etterkomarar.
Tarjei Eldhuset budde på Vodden frå 1972 til han døydde i 2004. Enka etter han, Solfrid Oddbjørg Eldhuset har heimelen til eigedomen i dag.
Historie
Våningshuset på bruket var opphaveleg ei årestoge. I 1828 blei huset påbygd av Anders Torson Syrtveit («Anders kyrkjebyggar»). Han bygde huset kring den gamle årestova, som er den delen av huset som vender ned mot fjorden.
Kjelder
- Reidar Vollen, Bygland gard og ætt, bind VI, utgjeve av Bygland kommune, 2009, side 254-271
- Grunnboksinformasjon henta på nettsida til Statens Kartverk