Myklandssverdet

Myklandssverdet er eit einegga sverd frå 700-talet, frå overgangen mellom merovingartida og vikingtida, funne på garden Mykland sør i Iveland i 1931. Sverdet er 90,5 cm langt, men ca 1 cm av odden er borte. Sjølve bladet er 75 cm langt og fem cm breitt. Handtaket er 15,5 cm. Vekta er rundt 1,5 kg. «Det må ha vore eit kraftig våpen, og ingen veiking som svinga det», skriv Aslak Fjermedal i Iveland si kultursoge.

Sverdet blei straks etter at det var funne sendt til Oldsaksamlinga, og er der i dag.

Kjelder

• Aslak Fjermedal, Iveland III - Ålmenn kultursoge, utgjeve av Iveland bygdesogenemnd, 1962, side 132