Gjerustad (Vegusdal)
Gjerustad er ein gard (gnr. 144) i Vegusdal i Birkenes. Garden ligg mellom Vatne i Vegusdal og Frikstad i Iveland, langs Fylkesveg 291 mellom Engesland og Evje.
I området rundt Fisketjønna sør for gardstuna er det bygd mange fritidsbustader.
Kulturminne
På garden er det eit spesielt kulturminne/kulturlandskap. I gardsbekken er to kvernhus fint restaurerte. Det eldste skal vere frå 1792. Rett nedanfor ligg tre bruer frå ulike vegperiodar, frå tidlegare tiders kjerreveg til dagens standard.