Mjåvatnet (Straume)
Mjåvatnet er eit vatn i Straumsheia, aust for garden Straume og rett vest for Straumsfjorden, i Valle. Vatnet ligg 764 moh. og dekker eit areal på ca. 1,4 km².
Frå naturen si side har vatnet utlaup mot aust, til Straumsfjorden i Tovdalsvassdraget. Men kjøpmann Peder Lind starta opp med gruvedrift i Straumsheia på andre halvdel av 1600-talet. Han demde då opp Mjåvatnet med to stemmar, ein i aust mot Straumsfjorden og ein i vest mot Straume. Vasstanden blei heva med ca. 7 meter. Frå då av fekk vatnet hovudutlaup utfor lia ned mot Straume. Det gav Lind den vasskrafta han trong for å bygge ei smeltehytte på Straume.[1] Ved høg flomvasstand kan vatn framleis kome over terskelen i austre enden, og renne ned i Straumsfjorden.
I dag går det skogsbilveg frå Straume gjennom Straumsjuvet til Mjåvatnet.
Kjelder og eksterne lenker
- Om godkjend og tilrådd skrivemåte hos Statens Kartverk
- Kommunekart.com
- Artikkelen om Mjåvatnet på Wikipedia (bokmål), vitja 1. november 2016
Referansar
- ↑ Sigmund Monen, Frå gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 44-45