Nille Evje
Foto: Geir Daasvatn
Nille Evje er ein butikk i Sentrumsgården i Evje, og er ein av om lag 300 Nille-butikkar i Norge. Innehavar er Tonje K. Skauen. I 2008 var omsetninga 5,7 millionar kroner, i 2009 auka den til 6 millionar kroner. Med seg i butikken på Evje har Tonje Skauen Elin Klungeland. Andre tilsette (2016) er Inger Anne Eknes Lauvland og Marte Klungeland.
Butikken har gjort det godt blant Nille-butikkar i Norge, i ei tevling om sal av bursdagseffektar i 2009 vann butikken på Evje då dei på to veker selde bursdagseffektar til 58% av kundene. I ei tevling om snittsal, driftskostnader og omsetningsauke i 2009 kom Nille Evje på andreplass.
Kjelder
- Ole Birger Lien: Vann tur til Hong Kong og Kreta, artikkel i Setesdølen nr. 22, 2010, side 5
- Ole Birger Lien: Nille sikrar jolepynten!, artikkel i Setesdølen nr. 95, 2016, side 12