Setesdalens Bokhandel

Setesdalens Bokhandel var ein bokhandel i Sentrumsbygget i Evje. Innehavar var først [[Jørund Greibrokk] og seinare sonen Gunnar Greibrokk. På 1990-talet blei bokhandelen seld til bokhandlarkjeden Libris, og skifta namn til Setesdalen Libris. I 2011 blei bokhandlarkjedene Norli og Libris slege saman til eitt konsern, Norli Libris AS, og Setesdalen Libris skifta etterkvart namn til Norli Evje.

Historie

Olav E. Risdal (1872-1945) i Hornnes skipa til bokhandelen «Risdal og Bjørnarå» i Hornnes Hotel saman med Ragnar Bjørnarå i 1919. Det var i denne tida Hornnes Landsgymnas kom i gang, og Risdal såg nok ein forretningsmoglegheit i det. Bjørnarå trakk seg etterkvart ut av samarbeidet. Då Risdal var blitt eineeigar, registrerte han firmanamnet «Setesdalens Bokhandel». Han dreiv bokhandelen heilt fram til han døydde i 1945. Butikken blei testamentert over til grandnevøen Jørund Greibrokk. Greibrokk dreiv Setesdalens Bokhandel vidare i Hornnes Hotel fram til 1973. Då blei forretninga flytta opp i det nye Sentrumsbygget i Evje. Etterat Jørund Greibrokk døydde, dreiv sonen Gunnar bokhandelen vidare i fleire år. Gunnar har for lengst seld seg ut av bokhandelen, og er i staden eigedomsutviklar i Evje og omegn.

Kjelder

• Gunnar Greibrokk, Hornnes Hotel, artikkel i Arnstein 2016, side 39-43