Evje Mekaniske Verksted
Foto: Harald Haugland
Evje Mekaniske Verksted vart starta i 2001 av Sigmund Lislevand. I starten var det eit par tilsette, i 2008 hadde ein om lag 60 tilsette. 45 av desse arbeidde i Kristiansand, der firmaet og har verkstad, og rundt 50 var polske fagarbeidarar.
Første året var omsetninga på om lag to millionar kroner, i 2008 passerte omsetninga 50 millionar. Året etter var omsetninga nesten halvert, til vel 26 millionar, og i 2010 var omsetninga ytterlegare redusert til knapt 19 millionar og talet på tilsette var nede på eit titals personar.
Verkstaden på Evje låg til 2016 ved Fennefossen der det tidlegare var slagghaugar frå gruvedrifta på Flåt. Hausten 2016 flytta verksemda litt lenger sør, til nye lokale ved Vegstasjonen på veg mot Evjemoen.
Kjelder
- Bjørn Bakken: 60 tilsette på Evje Mekaniske Verksted. Artikkel i Setesdølen nr. 55, 2008 side 8
- Geir Daasvatn, observasjon på staden/foto