Fridtjof A. Henriksen
Fridtjof Alfred Henriksen (fødd 13. august 1831 i Kristiania, død 11. juni 1911 i Kristiansand) var infanterikaptein og seinare oberst. Henriksen sette i åra 1869-1872 i gang prøvedrift etter nikkel fleire stader i Evje, Iveland og Valle. I 1872 kjøpte han rettane til gruvedrift i Flåt mark. Saman med H. A. Thaulow og syster si Thora Roscher danna han Interessentskapet Evje Nikkelverk, og sette i gang med gruvedrift i Flåt nikkelgruve. I 1873 sikra selskapet seg konsesjon for bygging av smeltehytte i Evje sokn. Smeltehytta blei bygd og sett i drift same året i Fossvik ved Fennefossen.
Henriksen døydde i 1911. Men han var altså mannen som sette i gang den gruvedrifta som skulle vare heilt fram til 1946, og som var som eit hjarte i det lokale bygdesamfunnet i denne tida.
Heider
- Riddar av 1. klasse av St. Olavs Orden for innsatsen for norsk industri
- Sverdordenen som forteneste for årelang innsats for Forsvaret
Kjelder
- Olav Arne Kleveland, Flot nikkelgruve - Evje nikkelverk, hefte utgjeve av Evje og Hornnes Sogelag, 2000, side 4-10
- Sigmund Monen,Frå gamle gruvetradisjonar i Setesdal til arbeidarkultur i Evje, bok I, utgjeve av Evje og Hornnes kommune, 2016, side 125-131