Sigbjørn Daasvatn

Sigbjørn Daasvatn
Foto: Geir Daasvatn
Født:	12. april 1964 (62 år)

Sigbjørn Daasvatn er fødd 12. april 1964 i Fyresdal. Foreldra er Arne Daasvatn og Gerd Herborg Mæsel Daasvatn. Han er busett i Gymnasvegen i Hornnes i Evje og Hornnes kommune, saman med kona Anita Jørstad og borna Snorre Jørstad Daasvatn, Eskil Jørstad Daasvatn og Åsne Jørstad Daasvatn.

Daasvatn er dykkar frå Sjøforsvarets Dykker- og Froskemannsskole i 1986 og Statens Dykkerskole i 1990, og sivilingeniør frå Universitetet i Stavanger i 1996. Han har òg befalsutdanning i Forsvaret (utskrevet sersjantkurs i Infanteriet 1983). Han arbeidde som dykkar i Nordsjøen frå 1986 til 1991. Etter det var han feltingeniør på dykkarskip i Nordsjøen, prosjektingeniør og inspeksjonsingeniør. Etter å ha fullført utdanning som sivilingeniør i 1996, ved sida av arbeidet sitt, hadde han ulike stillingar i oljebransjen, mellom anna i Phillips Petroleum Company Norway og Halliburton Subsea.

I 2001 starta Daasvatn opp bygge- og anleggsføretaket Trebyggeriet i det gamle Arsenalet til Forsvaret i heimbygda Hornnes. Han var dagleg leiar i selskapet til 2010, og etter det sjefsingeniør til februar 2012. Han slutta då i føretaket, og byrja i nytt arbeid i oljebransjen igjen. Trebyggeriet er diverre seinare gått konkurs. Det var Trebyggeriet som bygde den vidkjende Bølgeveggen på Kilden kulturhus i Kristiansand.

Utmerkingar

Treprisen 2006, Aust- og Vest-Agder fylkeskommuner