Hovden Høyfjellshotell
Hovden Høyfjellshotell er eit tradisjonsrikt hotell på Hovden, øvst oppe i Setesdal, i Bykle kommune. Hotellet har 69 rom. Av desse er 13 familierom. Det har også eigen restaurant og bar, innandørs svømmebasseng med sauna, leikerom for born og ungdomsrom med gamecube, playstation og fotballspill og solvendt uteterasse. Det er tilrettelagt for kurs og konferansar, og kan ta opptil 130 personar fordelt på tre møterom. Heile hotellet har trådlaust internett. I kort avstand frå hotellet er det turstiar om sommeren og langrennsløyper om vinteren. Hotellet har eige skitrekk som kan brukast gratis av gjestane ved hotellet.
Hovden Høyfjellshotell vert drive saman med Hovdestøylen Hotel & Lodge av Hovden Resort.