Olav S. Uppstad (1875)

Olav S. Uppstad (fødd 29. juli 1875, død 6. oktober 1972) var bonde og skogsarbeidar på Uppstad. Han vart fødd på ein støyl i Bjørgeheia, og døypt den 22. august same år. Foreldra hans var Ingebjørg E Uppstad og Saavi O Uppstad.

Olav S. Uppstad vart konfirmert den 20. april 1890 då han var 14 1/2 år, og han budde då på Uppstad. Han budde på Plassen under folketeljingane i 1900 og 1910 saman med foreldra sine. I 1900 var han «tjenestegut» og «sysselsatt ved landbruksarbeide», og i 1910 var han «søn/gårdsarbeider».

Eit vekeblad intervjua han og nokre til frå Uppstad om då han arbeidde med å frakte tømmer i Otra, og ein spesiell episode var då han vart dregen med nokre tømmerstokker som sigla nedover Kåvenes. Av rein flaks så datt han ned i ei grop og såg alle stokkene over seg. Far hans ville prøve å berge han, men han heldt seg tilbake, og dermed endte det godt.

Han gifte seg med Jorånd H. Uppstad (1889-1981). Dei fekk barna Såvi O. Uppstad (1913-2010) og Ingebjørg Berg (1917). Familien budde på Plassen og rydda mykje ny dyrka mark.

Knut F. Uppstad laga eit dikt om Olav S. Uppstad til 80-årsdagen. Han sa sidan at han hadde venta med å skrive diktet til seinare om han hadde visst at Olav vart så gamal som han vart.

Olav S. Uppstad døydde den 6. oktober 1972, vel 97 år gamal. Han vart gravlagt på Hylestad kyrkjegard ved den gravsteinen som står der.