Landås

Landås ligg høgt og fritt.

Foto: Geir Daasvatn

Landås er ein gard i det nord-vestre hjørnet av Iveland, på grensa mot Evje og Hornnes. Ein kjem til garden ved å følge Fv-309 frå Klepp aust for Moisund til Stien, og derfrå følge Landåsvegen to kilometer sørover og oppover i terrenget. Ein kan også køyre fylkesvegen frå aust frå Vånne. Landås ligg høgt og fritt med Otra og garden Austre Hodne i Iveland vest for seg. Rett nord for busetnaden ligg Buåsen (449 moh.). Sør for garden renn Landåsåna.

Det er i dag to bruk der det bur folk på garden.