Uppstad Transport & Anlegg
Uppstad Transport & Anlegg (UTA) er ei entreprenør- og anleggsverksemd med hovudkvarter på Rysstad i Valle. Her er det også verkstad. Eigar og dagleg leiar er Kjell Olav Uppstad. Verksemda har rundt 18 tilsette, og omsetjing på om lag 25 millionar kroner i året. Hausten 2015 utførte UTA grunnarbeida til det nye friidrettsanlegget ved Hornnes stadion, og grunnarbeida i den nye miljøgata gjennom Evje sentrum. Firmaet har også fleire vedlikehaldskontrakter langs Riksveg 9 og Fylkesveg 45 over til Telemark.
Historie
UTA starta som eit enkeltmannsføretak for Kjell Olav Uppstad i 1996. I 2002 vart verksemda gjort om til akseselskap. Mellom mange store byggeprosjekt firmaet har vore engasjert i er rassikring i Urdviki i Bygland og Rundkjøringa i Dåsnes, i tillegg til dei som er nemnt ovafor.