Futevegen (Evje)

Futevegen gjennom Evje er ein gamal veg som i eldre tid gjekk frå Evje kyrkje gjennom Flatebygd til Underland, Mykjåland, Kleveland, Lislevand og derifrå vidare austover gjennom Hålandsdalen mot Vegusdal. Her gjekk hovudtrafikkåra frå Evje og austover fram til om lag 1840. Namnet kom truleg av at futen for langs denne vegen når han reiste til tings i Hornnes, Ose eller Valle.

Traséen der Futevegen gjekk er ein del av den kulturhistoriske turløypa Allmannavegen.

Kjelder

• Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 257-260
• Kulturplan for Evje og Hornnes 2010-2020, vedteke av Evje og Hornnes kommunestyre 12. november 2010, side 42