Bygland museum

Bygland museum ligg på Presteneset nær Bygland sentrum, og er ei avdeling eller samling under Setesdalsmuseet. Museet er nyrestaurert.

Anlegget viser byggeskikk og kultur frå midten av 1600-talet, då folk budde i sotete stover med ljore i taket for ljos og røyk, og med harde benkar langs veggane. Bygt inntil er den meir «moderne» nyestoga frå Heistad, med skorstein og vindauge, himmelsenger og loftsetasje.