Stien (Evje og Hornnes gnr. 38 bnr. 1)
Stien er ein gard aust for Otra, lengst sør i Evje og Hornnes kommune, langs Fv-309 mellom Klepp og Vånne, mot grensa til Iveland. I vest grenser garden til Klepp. Nabogard i aust er Landsverk. Mot sør ligg Landås i Iveland. Garden er fråflytta.
Oluf Rygh meiner namnet kjem av det gamalnorske stigr, stig. Men den lokale gardsnamnkjennaren Oddmund Mogstad meiner ein like gjerne kan tenkje på stee, land der bekken fløymer over myr. Mykje av den dyrka jorda på garden ligg på ein stee.
Klepsåna renn forbi garden.
Kjelder
- Oddmund Mogstad, Gardsnamn i Evje, Arnstein 2008, s. 34