Vidar Frøysnes
| Vidar FrøysnesFil:Symbol unrelated.svg | ||
|---|---|---|
| ||
| Født: | 4. mars 1955 (71 år) | |
Vidar Frøysnes (fødd 4. mars 1955) var toppkandidat på AP-lista i Bygland 2011 og ordførarkandidat til valet. Men Leiv Rygg (Sp) vart ordførar, og Frøysnes kommunestyrerepresentant.
Vidar Frøysnes har vore tenesteleiar og hatt ansvar for økonomi og personalansvar i kommunen. Han har og vore næringssjef, kultursjef og plansjef, samt stabsjef hos rådmannen i Bygland. Men i 2007 reduserte han stillinga til ein deltidsjobb i kommunen, der han no har ansvar for plansaker. Han er og beredskapskoordinator i Bygland. Han er og lærar i musikkskulen som Bygland og Evje har saman. I tillegg arbeider han i familiebedrifta Movi Musikk som han har saman med kona Mona Ida Håvorstad Frøysnes.
Han vaks opp i ein heim der faren, Hallvard Frøysnes, var i kommunestyre og formannskap. Han var og ordførar ein periode. Mor hans, Astrid Frøysnes, var også kommunestyremedlem og i perioden då fire av fem medlemmer i formannskapet i Bygland var kvinner, var ho også med i formannskapet.
Før familien kom til Bygland i 1982, hadde dei budd i Åseral. Der var Vidar Frøysnes aktiv i Kristeleg Folkeparti, og den første tida i Bygland var han og med i kommunestyret som representant for Bygland KrF. I den tida hadde han sentrale tillitsverv i fylkesstyret til KrF.
Vidar Frøysnes er aktiv musikar og spelar ei rekke instrument. Han er og vokalist i Setesdal Roots Band og spelar i mange andre musikkgrupper, mellom andre Vidar Frøysnes Trio.
Kjelder
- Sigurd Haugsgjerd: -Klar til å gjere ein jobb for lokalsamfunnet Artikkel i Setesdølen nr. 5, 2011 side 6