Olav K. Flåt
| Olav K. Flåt | ||
|---|---|---|
| Født: | 3. desember 1917 | |
| Død: | 25. juli 2001 (83 år) | |
Olav K. Flåt (Olav Skånevollen) (fødd 1917, død 2001) var gardbrukar i Skånevollen og seinare i Haugan i Evje. Frå midt på 1930-talet og fram mot krigesutbrotet i 1940 var han ein av dei beste skihopparane på Sørlandet. Under hopprenn i Ørnefjellbakken i Evje 7. februar 1937 sette han ny bakkerekord med 46,5 meter. Han sette også bakkerekord med eit hopp på 52 meter i Storheia i Kristiansand under eit hopprenn der den 8. mars 1937. I januar 1939 var det stort hopprenn i Tinnheia i Kristiansand, som samla 6-7000 tilskodarar. Fleire av dei beste hopparane i Noreg på den tida deltok. Olav K. Flåt vart nr. 10.
Flåt heldt fram med hoppinga i nokre år etter krigen, og konkurrerte då mykje med den framste hopparen på Sørlandet i denne tida, Jørgen Nordbø, som også var frå Evje.
Olav K. Flåt representerte Evje AIL. Han er far til Knut Flåt.
Kjelder
- Erik Kjebekk, Dyktige skihopparar frå Flatebygd, artikkel i Arnstein, 2010, s. 6-13
- Olav Arne Kleveland, Otra IL 50 år - ei reise gjennom 50 års historie, jubileumsbok utgjeven av Otra IL, 2010, s. 14-18