Tarjei Flateland

Tarjei Flateland (fødd 6. juli 1921, død 9. juni 2009) budde i Oslo og arbeidde i Oslo Vannverk. Han døydde i Oslo og vart gravlagd frå Østre Aker kirke fredag 19. juni 2009 klokka 11.30.

Han gjekk framhaldskule på Flateland med Augund Rike som lærar. Saman med morbroren sin var han ein vinter og køyrde tømmer på Rysstad. Sidan var han til sjøs eit par år før han mønstra av og tok utdanning på Oslo Tekniske Skole. Han gifta seg med Airuth og var aktiv i Setesdalslaget. Han fekk seg og hytte ved Bjørnevatn og lika å vere der i feriar både sommar og vinter.

Kjelde

• Dødsannonse i Setesdølen nr. 45, 2009 side 2
• Torleiv Uppstad: Tarjei Flateland - eit ettermæle. Minneord i Setesdølen nr. 50, 2009 side 2