Jon O. Nomeland

Jon Olsson Nomeland (1890-1961) var lærar i Brokke. Han tok til der i 1917, same året som han var ferdig med lærarskulen i Kristiansand. Frå 1942 var han i Haugen krins, han vart pensjonist der i 1957. I 1943 fekk han skøyte på bruk nr. 1 på Nomeland. Han var ugift.

Jon O. Nomeland kom tidleg med i politisk arbeid og sat i kommunestyret i mange periodar. Han var ordførar i Hylestad frå 1929 til 1934, sidan kom han att i 1938 og var ordførar til 1941, då Jon T. Rysstad frå NS overtok. Men i 1945 kom Jon O. Nomeland tilbake og var ordførar til 1951, frå 1952 overtok Såvi G. Straume vervet.

Kjelder

• Torjus Åkre: Lærarar i Valle og Hylestad. Artikkel i Bygdesogeskrifter frå Valle og Hylestad 1983 side 117-118
• Alfred Ryningen: Valle kommune Gards og ættesoge Hylestad 1985 bind 1 side 208