Nuten (Åraksbø)

Nuten er ein utmarkseigedom (gnr. 31 bnr. 2) og tidlegare støyl på austsida av Tovdalselva (Årdalsåna) i Årdalen i Bygland, nær grensa til Tovdal.

I 1864 selde Osmund Tomasson i Søndre Haugen støylen Nuten med Nutenskogen til Gunnar Svenson Dale (f. 1821, d. 1891) i Tovdal. Søndre Haugen mista då ein viktig del av utmarka. Etter den tid har Nuten høyrt til same ætta i Dale i Tovdal. Men eigedomen ligg framleis i Bygland.

Fornminne

Ved vitskaplege registreringar i 1979 er det avdekka eit gardsanlegg frå jernalder og/eller mellomalder i Nuten. Anlegget dekker eit område på kring 15 dekar og har minst to hustufter.

Kjelder

• Reidar Vollen, Bygland gard og ætt, bind V, utgjeve av Bygland kommune, 2008, side 597