Helle Camping
Foto: Geir Daasvatn
Helle Camping er ein ny campingplass på Helle i Hylestad i Setesdal. Campingplassen opna fredag 12. juni 2015. Han er framleis under utvikling. I første omgang er det plass til bubilar, campingvogner og telt. Seinare vil det kome hytter og rom med høg standard. Campingplassen har sanitæranlegg, kjøkken- og opphaldsrom, badestamp, fiber-WIFI og leikeplass for dei minste. I nærområdet kan ein fiske, gå turar i fjell og skog, klatre i fjella omkring og bade i Otra. Helle Camping ligg rett ved Straumsfjellet, der ein kan klatre i klatreløypa Via Ferrata - Straumsfjellet, som er ei av dei lengste Via Ferrata-løypene i Nord-Europa.
Kjelder
- Setesdølen nr. 49, 2015
- Heimesida til Helle Camping