Bygland Triathlon 2025

Bygland Triathlon 2025 blei arrangert på Bygland laurdag 19. juli 2025. Distansane var 1 500 m svømming, 40 km sykling og 10 km springing. Arrangør var Bygland IL. Arrangementskomiteen var leia av Iver Kvaale Skibsrud. 67 deltakarar fullførte konkurransen.

Starten på svømminga var ytst på Tangen på Prestneset. Her kom også deltakarane i mål og skifta til sykkeletappen. Sykkelløypa gjekk opp til Austad på austsida av Åraksfjorden. Tilbake til Prestneset gjekk løypa sørover på Riksveg 9. Springedelen tok til på Prestneset, gjekk opp til Jordalsbø og løparane kom i mål etter fullført triathlon på Knutsbakk.

Herreklassen

• Erlend Engum, Hamar IL – Triathlon, 2.14.34
• Jørgen R. Hodnebrog, KBR-bil, avd. Kristiansand, 2.15.47
• Jonathan Solberg Swan, Valkyrien IL, 2.19.07

Kvinneklassen

• Anna Hanstveit, Bergen Triathlonklubb, 2.26.39
• Emma Hanstveit, Bergen Triathlonklubb, 2.30.39
• Solveig Granås, Arendal Triathlon, 2,39,29

Kjelder

• Nettsida til Bygland Triathlon
• Resultatlista på EQ Timing