Veiådalen

Veiådalen er eit lite dalføre som går «på tvers» av hovuddalføret Setesdal i Lunden nord i Valle. Dalen strekk seg frå Otra nord for Lunden ca to km austover til Veiågjuvet og Gloppefossen. Gjuvet og dermed dalen endar brått i rundt 300 meter høge nesten loddrette fjellsider.

I botnen av dalen renn Veiåni. Nord for dalen stig Ruafjødd (1069 moh.) bratt opp frå dalbotnen. Det går skogsbilveg, traktorveg og sti langs elva inn til Gloppefossen, som er eit populært turmål, inst i dalen.

Regjeringa vedtok 24. juni 2025 å verne Veiådalen og Ruafjødd som naturreservat.