Åneland
Åneland er ein gard (gnr. 52) på begge sider av Fylkesveg 42 (Arendalsvegen) aust for Galteland og vidare austover mot Bjorvatn aust i Evje og Hornnes. Nabogard i vest er Åsland. I nord ligg Haugen. Bjoråna kjem frå Bjorvatnet og renn gjennom Ånelands-bygda. På dette strekket kallast ho gjerne Ånelandsåna.
Historie
Garden er ein -landgard, og stammar truleg frå folkevandringstida (år 400-600 e.Kr.).[1] Fleire ting kan tyde på at nabogarden i nord, Haugen, frå først av høyrde til Åneland. Så er han blitt skild frå seinare, kanskje i vikingtida.[2] Gardkjennaren Oddmund Mogstad meiner at gardane Lauvås og Raudstøl oppover mot Høvringsvatn kan ha høyrd til Åneland etter svartedauden.[3]
Det var skulestove på Åneland 1862-1959.[4] Skuledistriktet omfatta Åneland, Haugen, Landsverk, Odde Evje prestegård, Åsland, Tveit, Flåt og Undeland.[5]
Kart
Referansar
- ↑ Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990, side 68
- ↑ Oddmund Mogstad, Gardsnamn i Evje, artikkel i Arnstein 2008, side 35
- ↑ Gardsnamn i Evje, side 36
- ↑ Sigmund Monen, Fra gamle gruvetradisjonar i Setesdal til arbeidarkultur i Evje, utgjeve av Evje og Hornnes kommune, 2016, side 198-199
- ↑ Kultursoge for Evje og Hornnes, side 351-352