Nyestøyltjønni
Nyestøyltjønni er eit lite vatn på heia (635 moh.) nord for Heistad i Bygland. Nyestøylåni renn frå tjønna i sør-vestleg retning til Heisvatn (432 moh.). Frå Heisvatn stupar Heivassåni ned mot Heistad i dalbotnen. Nyestøyltjønni høyrer såleis til Heis-vassdraget.
Nyestøyltjønni har naturlege tillaup frå Byrtingsvatnet og Fiskeløys som ligg endå lengre inne på heia. Men dei naturlege utlaupa frå desse to vatna er stengt igjen, og vatnet blir overført til Hovatn kraftverk. Mykje mindre vatn enn før reguleringa renn difor gjennom tjønna.
Heievegen (bomveg) mellom Heistad og Fiskeløys går forbi Nyestøyltjønni.