Hægebostad kyrkje

Hægebostad kyrkje er ei tømmerbygd langkyrkje mellom Birkeland og Snartemo sør i Hægebostad kommune. Kyrkja er orientert aust-vest, med tårnet i vest. Ho blei bygd i 1844, etter teikningar av sokneprest N.C. Hald. Sideutbyggingar på kvar side gjer at kyrkja har ei åttekanta form. Denne konstruksjonen (samanføyinga skip/kor) var ei stor utfordring under bygginga. Det var lokale handverkarar som utførte arbeidet.

Som kyrkjeplass er området der kyrkja står gamalt. Den forrige kyrkja blei bygd i 1629, og ein veit at det var kyrkje her også i 1425.

Kjelder

• Plakat på oppslagstavle utanføre kyrkja