Baard Christensen Joreid

Baard Christensen Joreid (fødd 1795, død 1862) var varaordførar i Evje og Vegusdal formannskapsdistrikt 1838-mars 1839, og ordførar frå mars 1839 og ut året.

Joreid skal ha vore ein klok og opplyst mann. Han var den leiande i skulekommisjonen og fattigkommisjonen på den tid, og han var velståande. Han åtte ein stor eigedom i Vegusdal. Då ordførar Notto Jørgensen Tvedt frå Evje brått døydde 28. mars 1839, måtte Joreid overta som ordførar ut året.

Kjelder

• Olav O. Uleberg og Olav Arne Kleveland, Kultursoge for Evje og Hornnes, band II, utgjeve av Evje og Hornnes Sogelag, 2003, s. 267
• Nettstedet My Heritage