Sprekleiken 2010
Sprekleiken 2010 vert arrangert sundag 3. oktober kl. 14.00 på Valle Stadion av Valle IL og Valle jakt- og fiskelag, som skipa til Sprekleiken fyrste gongen i 2009.
Også i 2010 går konkurransen ut på å gjennomføre ei rundløype som i 2009 omfatta rundballerulling, stokkekasting, sekkebering og kryping . Dette synte seg å vere ein spanande og publikumsvenleg konkurranseform. Opplegget vert om lag det same i år.
Frontfigurar
I år er det den sterke 7-kjemparen frå Kristiansand, Ida Marcussen som er hovudpersonen. Ho gjorde eit godt EM og tok og to noregsmeistarskap i fri-idrott i haust, så ho vert hard å bryne seg på både for kara og kvende.
I fjor var denne konkurransen ny og ukjend. No satser Valle IL på å betre marknadsføringa og ynskjer deltakarar frå heile Setesdal og gjerne landsdelen med. Det er klassar for vaksne menn og kvinner over 16 år, juniorklasse for jenter og gutar under 16 år og lagkonkurranse.
Påmelding
Av omsyn til planleggjing og heatoppsett, må ein ha påmelding på førehand. Ein må difor melde seg på til post@valle-il.no seinast 1. oktober 2010.