Anne Drivsli

Anne Drivsli (fødd 1757, død 24. juni 1829) var husmann på plassen Drivsli på Austadheia i Bygland, noko vest for heiegarden Vestre Kile. Ho tok over plassen i 1783, etter at systera Tone døydde. Etter ei lang rekke rettsaker, der ho aldri gav seg trass i at ho tapte mange av sakane, flytta ho frå staden, kanskje i 1796. Men ho heldt fram med å reise inn på Austadheia med ein flokk geiter kvar sommar. 24. juni 1829 drukna ho då ho skulle ta seg over elva ved Vånarosen.

Det er mange segner om henne i Austad sokn.

Kjelder

• Vilborg Stubseid Hovet, Ein historisk stad. Liv og lagnad i Austad sokn, utgeve av Setesdalsmuseet, 2024, side 169–179