Holy Trinity Church, Folkestone

Holy Trinity Church, Folkestone er ei kyrkje frå 1868 i Kent i England. Frå kyrkjetårnet kan ein sjå til Frankrike. Ho blei bygd i ei tid då byen ekspanderte og Lord Radnor, som var eigar av området, ville at det skulle vere kyrkje innan gåavstand frå der folk budde. Kyrkja er bygd av murstein, den har glassmaleri i vindua med tolv «Eg er»-Jesusord. Ho har plass til 800 personar, er open kvar dag og er populær bryllupskyrkje. Orgelet er eit restaurert frå gamle orgel og bygd av J. W. Walcker and Sons i 1966. Sidan er det teke godt vare på og til og med utvida med eit par stemmer slik at det no har 45 stemmer. Det blir omtalt som eit av dei finaste orgel i Sør-England. I juli, august og september er det konsertar kvar onsdag. Overskuddet går til orgelet og gjer at ein kan halde det i god stand.

Orgelet var eit av dei fyrste George Chittenden spelte på, og han spelte seinare inn fleire stykke her. Nokre av desse vart presenterte i Tysdagsprogrammet 28. september 2010 i Valle Radio.