Bykle Vindu
Bykle Vindu AS vart etablert i 1984. Frå 1997 var selskapet eigd av Bykle Industri AS. I 2019 er det to aksjonærar: Bykle Industri (85 %) og Skjeberg Eiendom (15 %). I 2012 fusjonerte Bykle Vindu med Grindland Trevarefabrikk i Finsland. Produksjonen vart då flytta til Bykle kyrkjebygd, medan salgskontoret ligg i Songdalen. Etter fusjonen hadde Bykle Vindu 30 tilsette, medrekna fem i administrasjonen. Pr. januar 2023 er det om lag 57 tilsette. Svært mange av dei kjem frå andre land. Ni nasjonalitetar er representerte (2020).
Kjell Ole Homme er dagleg leiar. Daniel Homme er produksjonssjef. Sals- og marknadssjef er Ingvild Hovden.
Selskapet har hatt stor suksess med Isokitt-vinduet, som dei utvikla sjølv og lanserte i 2008. Det står for 80 prosent av produksjonen og har gjeve fleire store kontraktar. Fusjonen gav ein sterk vekst i inntektene, frå 2011 til 2012 auka omsetninga frå 23,2 mill. til 44,1. I 2017 var omsetninga kring 52 mill. I 2018 var det ein svikt i omsetninga på om lag 10 mill. Utsiktane var ljosare for 2019, med ei ordrereserve ved årsskiftet på rundt 8,5 mill.
Hausten 2022 blei Bykle Vindu sertifisert som Miljøfyrtårn. På Setesdalskonferansen 2024 blei verksemda tildelt Setesdalsprisen for 2024.
Kjelder
- Torbjørn Witzøe: Vindusvekst øverst i Setesdal. Artikkel i Fædrelandsvennen mandag 15. juli 2013 side 14
- Ole Birger Lien, Bykle Vindu 10 mill. ned i fjor, artikkel i Setesdølen nr. 5, 2019, side 4
- Om Bykle Vindu hos Proff.no
- Ole Birger Lien, Har ni nasjonalitetar i sving!, artikkel i Setesdølen nr. 100, 2019, side 4–5
- Sigurd Haugsgjerd, Miljøfyrtårnet Bykle Vindu, artikkel i Setesdølen nr. 87, 2022, side 4
- Sigurd Haugsgjerd, 57 tilsette og godt med ordrar, artikkel om Bykle Vindu i Setesdølen nr. 9, 2023, side 8