Hanefoss kraftverk
Hanefoss kraftverk er eit vasskraftverk i Uldalsvassdraget ved Herefoss i Birkenes kommune. Det blir fjernstyrt frå Brokke i Setesdal. Eigar er Å Energi Vannkraft.
Det er installert to turbinar med total effekt på 22 MW og ein gjennomsnittleg årsproduksjon på 120 GWh. Det svarar til årsforbruket til om lag 6 300 husstandar. Vatnet blir leia i ei 530 meter lang trykksjakt frå reguleringsmagasinet i Uldalsåna til turbinen. Totalt fall er 71 meter. Straumen blir leia til Vegusdal trafostasjon.
Kjelder
- Artikkelen om Hanefoss kraftverk på Wikipedia (bokmål), besøkt 14. august 2023
- Artikkelen om Hanefoss kraftverk på SNL.no (Store Norske Leksikon)
- Olav Heimdal, Spennende besøk på Hanefoss kraftverk, artikkel i Birkenesavisa nr. 17, 2023, side 28