Tømmerfloting

Steinsfoss tømmerrenne var eitt av dei tekniske anlegga som etter kvart blei bygt opp i samband med tømmerflotinga i Otra.

Foto: Geir Daasvatn

Tømmerfloting er transport av tømmer nedover vassdrag eller over sjøar. Ordet floting eller fløyting kjem av at tømmeret flyt nedover elva. Arbeidet blei også kalla støyting, som viste til arbeidsmåten: Flotarane stakk eller støytte stokkane ut i vatnet med hakane sine.

Det har vore flota tømmer i Otra i uminnelege tider. Men verksemda fekk truleg ikkje eit større omfang før på 1600-talet. Flotinga heldt fram heilt til slutten av 1970-talet. Organisasjonen Fellesfløtningen i Otra var verksemda (foreninga) som organiserte flotinga av tømmer i Otra-vassdraget frå 1829 til ho tok slutt.

Litteratur

• Andreas Vevstad, Fosskarane og Åna, utgjeve av Fellesfløtningen i Otra, 1999
• Artikkelen om tømmerfloting på Wikipedia (bokmål), besøkt 23. april 2022