Visit Setesdal
Visit Setesdal er Setesdal Regionråd sitt tiltak for reiseliv i Setesdal. Roy Bakke er dagleg leiar. Dei kjøper teneste av Destinasjon Hovden for å gjennomføre prosjektet. Det starta i 2010. På denne måten driv ein utvikling for reiselivet frå Hornnes til Hovden. Under paraplyen Setesdal marknadsfører organisasjonen heile regionen på messer som Grühne Woche og norske reiselivsmesser. Dei satsar mest på digitale plattformer og lite på papirannonser, men katalogen om Setesdal er svært populær.
Visit Setesdal er sertifisert som bærekraftig reisemål.
Styre
Det går for tida (2019) føre seg ei avklaring om organisering og eigarstruktur i Visit Setesdal. Slik avklaring er venta å skje i første halvdel av 2020. Medan ein ventar på resultatet av det arbeidet, er det sett ned eit interimsstyre i selskapet. Styremedlemene er Marcin Matysik, Tim Davis, Uwe Arntzen, Ørnulf Hasla og Rita Hansen.
Kjelder
- Årsrapport for 2019