Bertha Haraldstad
| Bertha Haraldstad | ||
|---|---|---|
| Født: | 19. mai 1900 | |
| Død: | 18. august 1978 (78 år) | |
Bertha Gauslaa Haraldstad var fødd 19. mai 1900 i Herefoss og døydde i Evje 18. august 1978. Ho gifta seg med Torgeir Haraldstad i Evje. Bertha starta opp med ein liten kiosk på ca 4 x 3 meter i Evje sentrum, 10-15 meter vest for der Evje Optikk (tidligare Wettre) no held til. Kiosken var bare open om sommaren. Etter ei stund vart denne kiosken fjerna, då Bertha fekk seg heilårslokale i Karl J. Nilsen-bygget nord for Torgeir Lund. I 1949 bygde ho så Pernille Kafè og isbar. Denne vart utvida fleire gonger. Rundt 1970 var det heile 14 tilsette i kafèen. Kafèen blei riven då det nye Sentrumsbygget kom i 1973, og Pernille Kafè flytta over i 2. etasje der.
Bertha Haraldstad var leiar i Evje Sanitetslag i 12 år. Ho sat også i styret for Aust-Agder Sanitetskrets. Ho skreiv mange festsongar, mellom anna Evje-songen.
Kjelde
- Torbjørn Hansen, 70 år, omtale av Bertha Haraldstad i Fædrelandsvennen i januar 1970.
- Anfinn Lislevand, Historia og mine minne frå Evje Torg - "Torvet", artikkel i Arnstein, årsskrift for Evje og Hornnes Sogelag, 2013, s. 14-15
- Ljosglimt, nr. 8/1978