Otra Trelast
Otra Trelast var ei byggeforretning på Verksmoen på Evje. I 2005 overtok Mikael Bek forretninga etter Harald Tjessem. I løpet av åra frå 2006 til 2010 auka omsetninga frå 5,8 millionar til 15,9 millionar. I 2011 kjøpte han også bygningane, dei kosta vel 3,7 millionar. Otra Trelast forhandla både byggtørker, verktøy og arbeidstøy med firmatrykk i tillegg til trelast. Dei hadde mykje levering til lokale snekkarar og hyttefolk.
I 2014 bytta Otra Trelast namn til Byggi Evje, og flytta samstundes bedrifta til dei tidlegare lokala til Skibsplast lenger nord på Verksmoen. I 2015 vart dei gamle lokala selde til Nettdyret.no.
Kjelder
- Sigurd Haugsgjerd: Strekkjer oss langt. Artikkel i Setesdølen nr. 98, 2011 side 13
- Ole Birger Lien, Kjøpte Otra Trelast-bygg for 4,5 mill., artikkel i Setesdølen nr. 63, 2015, side 4