Rekordfestivalen

Rekordfestivalen på Hovden blir arrangert for første gong 14.-15. august 2009, med base i Hegni friluftsområde. Dette er eit uhøgtidleg arrangement, med fokus på aktivitetar og konkurransar, konsertar, god mat, stemning og moro! Her kan deltakarane setje ein personleg rekord, Hovden-rekord, eller kanskje ein verdsrekord? Rekordfestivalen har også eiga gruppe på Facebook.

Danske Lars Lilholm hadde ideen til festivalen. Festivalsjef er Ingvild Hovden og tidlegare kjøkkensjef ved Hovden høyfjellshotell, Trond Skeie, står for matopplevingane.

Under festivalen vert det «big jump»-oppvisning. Til det har ein dekt til ein snøhaug på 4000 kubikkmeter med snø med 40 kubikkmeter sagespon og 480 kvadratmeter presenning.

Rekordar

• Kven kjem raskast og turrskodd over bukta i Hegni på slak line?
• Kven gjer det best i slalåmstøvelboccia?
• Kven klarar å klamre seg lengst til ei trestamme?
• Kven eig den raskaste badeanda frå Støylsbrua ned til Hartevatn?

Musikk

På festivalen i år spelar Ikke Bare Bare Egil Band, Black Debbath og Fjellfolk.

Kjelder og eksterne lenker

• www.rekordfestivalen.no har meir informasjon.
• Ove Rønningland: Hovden på rekordjakt - Artikkel i Fædrelandsvennen kultur 26. mai 2009 side 5