Nils Hegland

Nils Hegland
Født:	11. november 1900
Død:	3. mars 1945 (44 år)

Nils Hegland, Evje, fødd 14. november 1900 og død i tysk krigsfangenskap 3. mars 1945. Han var son til Johan Hegland, fødd 10. april 1873 i Gyland, og Tonette Hegland, fødd 21. juli 1878.

Nils Hegland var utdanna lærar, men hadde arbeidet sitt som kontorist på Evje nikkelverk. Han var leiar i skilaget Ørnen då 2. verdskrigen braut ut. Under okkupasjonen var han aktivt med som leiar i Milorg i Evje. Han blei arrestert av tyskerane, og var i tysk krigsfangenskap til han døydde. Først kom han til Grini fangeleir. Så var han i Natzweiler - Struthof konsentrasjonsleir i Frankrike frå 15. juni 1943 til 5. september 1944. Frå 6. september 1944 var han i Dachau konsentrasjonsleir i Tyskland. Han døydde i Mauthausen fangeleir i noverande Austerrike 3. mars 1945. Namnet hans er innhoggen i Minnesteinen ved Evje kyrkje, som er reist til minne om dei frå Evje som sette livet til for fedrelandet i krigen 1940-1945. Gata gjennom Evje sentrum, frå avkjøyrsla frå RV-9 sør for Info-bygget til ho møter Arendalsvegen nord for sentrum, heiter Nils Heglands veg.

Kjelder

• Søk på "Nils Hegland" i slektsregisteret Ancestry.com
• Olav Arne Kleveland, Otra IL 50 år - ei reise gjennom 50 års historie, jubileumsbok utgjeven av Otra IL, 2010
• Erik Kjebekk, Minne frå ei svunnen tid - historiske gløtt frå Evje og Hornnes, hefte utgjeven av Evje og Hornnes sogelag, 2007, s. 34