Åsmund Torleivsson Rygnestad

Nordigard Rygnestad var garden til Vonde-Åsmund. I dag er det Setesdalsmuseet som tek vare på staden.

Foto: Geir Daasvatn

Åsmund Torleivsson Rygnestad («Vonde-Åsmund») (fødd ca. 1540, død ca. 1596) var bonde, kyrkjeverge, lensmann og velstandsmann i Nordigard Rygnestad i Valle. Han var med på kongehyllinga på Akershus i 1591. Etter tradisjonen skal han ha vore leigesoldat i utlandet. Han må også ha vore ein av førarane i striden som endte med at lensherre Erik Munk blei avsett. Vonde-Åsmund er ein av dei største segnheltane i Setesdal, og soga om han og ettermennene hans er det næraste Setesdalstradisjonen kan kome ei ættesoge. Garden til Vonde-Åsmund er i dag det kjende Rygnestadtunet under Setesdalsmuseet.

Åsmund var gift med Jorunn Eivindsdotter Nomeland (død ca. 1631). Eldste sonen deira var Torleiv Åsmundsson Rygnestad.

Kjelder

• Olav Bø, Setesdal – frå utkantbygder til kraftsentrum, Det Norske Samlaget, 1991, side 11–15
• Alfred Ryningen, Valle kommune VI Gards- og ættesoge Valle, utgjeve av Valle kommune, 1987, side 341–347
• Leonhard Jansen og Alfred Ryningen, Valle kommune VII, Kultursoge 1, utgjeve av Valle kommune, 1994, side 163–165
• Ruth Hamran, Billedsamlingen i Rygnestadloftet, utgjeve av Institutt for sammenlignende kulturforskning/Novus Forlag, 2002, side 242–249

🌱 Denne artikkelen er ei spire. Hjelp Setesdalswiki med å utvide artikkelen.