Brokke Alpinsenter

To av alpinsenteret sine løyper på Kvislii

Litt av hyttefeltet i Fardalen på nordsida av Faråni

Brokke Alpinsenter AS blei etablert i 2004 i Kvislelii på nordsida av Rysstadåsen ved Suleskarvegen. Sjølve anlegget tilhøyrde lenge Brokke Skianlegg medan bedrifta var ansvarleg for utbyggjing og dagleg drift, under leiing av Jan Wojtaszek. Men hausten 2015 gjekk selskapet Brokke Skianlegg konkurs. Brokke Alpinsenter AS endra i desember 2015 namn til Brokke Alpinanlegg AS.

Anlegget er ein del av reisemålet Brokke og det er ope frå november til april. Det har skiskule, to raude og ei blå alpinløype, tre skiheisar og for langrenn 20 km løyper (5 km lysløype). I september 2022 opna ei ny to kilometer lang rulleskiløype og ein pumptrack (asfaltert sykkelløype).

Bygginga tok til i september 2004, og etter fire månader var to løypetrasear og eit barneområde ferdig til å takast i bruk. Alpinsenteret er saman med Brokke Eigedom og private investorar ansvarleg for den finansielle delen av vidare utbygging av anlegget.

Mellom brukarane er skikretsane i området, som held samlingar her.

Kjelder

• Brønnøysundregisteret
• Olav Åsen Haugsgjerd, Ny rulleskiløype og sykkelbane, artikkel i Setesdølen nr. 73, 2022, side 8–9

Eksterne lenkjer

• Brokke alpinsenter
• Fevennen, Vegard Nekstad: «Torsdag åpner Brokke» (16.11.10)

Kart

Laster kart ...