Setesdal Spelemannslag 50 år. 1930-1980

Framsida på boka. Akvarell av Olav Bjørgum (1980).

Setesdal Spelemannslag 50 år. 1930-1980 er ei jubileumsbok skrive i samband med 50-årsfeiringa til laget i 1980. Ei sogenemnd i laget hadde ansvaret for arbeidet med boka. Med i nemnda var Gunnar Lande, Torleiv H. Bjørgum og Torbjørg Aamlid Paus. Forfattarar er Gunnar Lande, som også var den aller første formannen i Setesdal Spelemannslag, og Hallvard T. Bjørgum. Torleiv H. Bjørgum og Torbjørg Aamli Paus har skrive einskilde stykke. Trykkinga skjedde ved Johs. Grefslie Trykkeri, Mysen, 1981. Innbindinga er ved Jacobsen & Hielm, Oslo. 424 sider. ISBN 82-90300-01-8.

Boka gir eit omfattande oversyn over lagsarbeidet til Spelemannslaget i åra 1930-1980. Ho inneheld også stoff om folkemusikken og dansen i Setesdal før det organiserte arbeidet kom i gong, om dei første kappleikane i dalen, om musikalske slekter i heile Setesdal, om spelemenn, dansarar og kvedarar og tilhøva elles for folkemusikken og bygdedansen i Setesdal fram til i dag.

Boka inneheld ei mengde dikt og stev, premielister frå kappleikar og over 180 bilete.

Innhaldsliste

Frå bryllaupsstove og danseplass - til møterom og konsertsal

• Innleiing
• Landslaget for Spelemenn
• Føresegner for kappleikar
• Føresegner for domsmenn
• Landskappleikar i 20-åra

Kjelder

• Bokomslaget, føreordet, m.v.