Arnstein

Arnstein sin logo, teikna av Rita Flottorp.

Arnstein er eit årsskrift for Evje og Hornnes sogelag. Føremålet med skriftet er å halde farne tider i minne.

I skriftstyret sit (2018) Ragnhild Robstad, Erik Kjebekk, Ivar Haugen, Kåre Hodne, Georg Bjørndal og Eva Haugen Sørgaard.

Sogelaget tok til å gje ut Arnstein i 1994. Dette var i Oddmund Mogstad si tid som leiar. Han og Torgrim Dåsnes var dei som i første rekke drog bladet i gang. Mogstad hadde hovudansvaret for årsskriftet heile tida sidan, inntil han gjekk bort i 2014.

Årsskriftet er kalla opp etter Arnstein, som er den første mannen i bygda ein kjenner namnet til. Han reiste rundt år 1016 ein bauta på Listeinsmoen i Rosseland mark i Evje til minne om son sin, Bjor, som fall i Knut den Mektige sin hær i England då han la landet under seg. Delar av bautaen (Galtelandsteinen) er teken vare på og ligg i Universitetets Oldsaksamling i Oslo. Ein kopi av bautaen er i nyare tid sett opp i Fossvik på Verksmoen (Listeinsmoen) på Evje.

Utgjevingar

 

• Arnstein 2019
• Arnstein 2018
• Arnstein 2017
• Arnstein 2016
• Arnstein 2015
• Arnstein 2014
• Arnstein 2013
• Arnstein 2012
• Arnstein 2011
• Arnstein 2010
• Arnstein 2009
• Arnstein 2008
• Arnstein 2006
• Arnstein 2005
• Arnstein 2003
• Arnstein 2001
• Arnstein 2000
• Arnstein 1999
• Arnstein 1998
• Arnstein 1997
• Arnstein 1996
• Arnstein 1995
• Arnstein 1994

Kjelder

• Olav O. Uleberg, Kultursoge for Evje og Hornnes, band I, utgjeve av Evje og Hornnes bygdeboknemd, 1990
• Arnstein 2012
• Arnstein 2008