Naturreservat

Naturreservata er merka med skilt

Foto: Øyvind Holmstad

Naturreservat er den strengaste forma for områdevern i Norge. Eit naturreservat er eit område som har urørt eller tilnærma urørt natur. Det kan også representere ein spesiell naturtype og ha verdi for forskning og undervisning. Vernereglane er strengare enn for landskapsvernområde og nasjonalpark og det er større regulering av ferdsel der. I 2015 var det 2164 naturreservat i Norge. Arealet var 6 254,5 km². I Setesdal og Iveland er det 13 naturreservat.

Fylkesmennene er forvaltningsmyndighet for dei fleste naturreservata, dei blir oppretta ved kongeleg resolusjon med heimel i § 37 i naturmangfaldsloven. I Setesdal er frå 2015 områdestyret for Setesdal Vesthei Ryfylkeheiane landskapsvernområde forvaltningsmyndighet for nokre av naturreservata. Det gjeld dei som ligg i Bykle kommune og Valle kommune.

Kjelder

• Vernede områder, 2014-2015. Artikkel hos ssb.no
• Verdifulle naturområder i Aust-Agder 2003. Brosjyre utgitt av Fylkesmannen i Aust-Agder, Miljøvernavdelingen 2003